Iau - Taupo & Gwener - Hastings
Bore Iau, ar ol bore yn yr ysbyty yn Rotorua, yn rhoi'r moon shoe am fy nhroed, prynu'r x-rays, y crutches a'r holl caboodle, fe aethom ymlaen i Taupo sydd rhyw awr i ffwrdd. Fe aethom i weld yr Huka falls - rhaeadr anferth, pwerus, ac yna i gael cinio yn y Prawn farm gerllaw ( www.prawnpark.co.nz) ... prawns oedd yr unig beth bron ar y fwydlen, wrth gwrs! Fe aethom i fwynhau'r golygfeydd o'r llyn cyn mynd nol i sortio'n hunain allan yn yr hostel. Roedd angen amser i fynd ar y we i sgwennu rhywfaint o'r blog diwethaf ac ail-drefnu rhannau o'r daith.
Y bore wedyn, bore Gwener, y 4ydd, fe deithiom rhyw 3 awr draw i Hawke's Bay ar yr arfordir dwyreiniol. Roedd hi'n gymylog iawn yr holl ffordd ac erbyn i ni gyrraedd roedd hi'n bwrw. Doedd fawr o siawns gen i i fedru crwydro'r dre felly i'r amgueddfa amdani i gysgodi a dysgu mwy am y daeargryn darodd y dre nol ar ddechrau'r ganrif diwethaf, sut roedd pobl wedi ymdopi a sut y cafodd y dre ei hail-adeiladu mewn steil art-deco. Yn sgil y glaw a fy nhroed, buom wedyn yn tynnu lluniau o'r adeiladau o'r car cyn penderfynu symud ymlaen a chwilio am ein lle aros yn hastings - parc gwersylla o ryw fath y tro hwn - ond roedd gennym cabin gyda lle i barcio o'i flaen oedd yn gyfleus iawn.
Gan ein bod yn ardal y gwinllanoedd, roedd Lois yn mynnu bod yn rhaid i ni ymweld a rhai o'r cwmniau sy'n cynhyrchu rhai o winoedd gorau'r byd. Fe aethom draw am ardal Havelock North, cael cinio sydyn yno a mynd i weld Stad Te Mata ( www.temata.co.nz) a Stad Black Barn ( www.blackbarn.com) .. fe geson ni flasu rhywfaint o'r gwahanol winoedd fyd.. ond dim gormod yn anffodus i Lois gan ei bod yn gorfod gyrru!!.. Ac roedd yn rhaid iddi yrru'n ddiogel fyd achos y lle nesaf aethon ni oedd i dop mynydd Te Mata oedd yn uchel ofnadwy, yn droellog ofnadwy gyda dim barriers ar hyd ochr y ffordd! Mi fyddai'r olygfa ar y top wedi bod yn werthchweil petaen ni ond wedi gallu gweld!!! Roedd hi dal yn gymylog yn anffodus!! Nol i'r parc, darllen a chael swper a noson dawel!
M x
Bore Iau, ar ol bore yn yr ysbyty yn Rotorua, yn rhoi'r moon shoe am fy nhroed, prynu'r x-rays, y crutches a'r holl caboodle, fe aethom ymlaen i Taupo sydd rhyw awr i ffwrdd. Fe aethom i weld yr Huka falls - rhaeadr anferth, pwerus, ac yna i gael cinio yn y Prawn farm gerllaw ( www.prawnpark.co.nz) ... prawns oedd yr unig beth bron ar y fwydlen, wrth gwrs! Fe aethom i fwynhau'r golygfeydd o'r llyn cyn mynd nol i sortio'n hunain allan yn yr hostel. Roedd angen amser i fynd ar y we i sgwennu rhywfaint o'r blog diwethaf ac ail-drefnu rhannau o'r daith.
Y bore wedyn, bore Gwener, y 4ydd, fe deithiom rhyw 3 awr draw i Hawke's Bay ar yr arfordir dwyreiniol. Roedd hi'n gymylog iawn yr holl ffordd ac erbyn i ni gyrraedd roedd hi'n bwrw. Doedd fawr o siawns gen i i fedru crwydro'r dre felly i'r amgueddfa amdani i gysgodi a dysgu mwy am y daeargryn darodd y dre nol ar ddechrau'r ganrif diwethaf, sut roedd pobl wedi ymdopi a sut y cafodd y dre ei hail-adeiladu mewn steil art-deco. Yn sgil y glaw a fy nhroed, buom wedyn yn tynnu lluniau o'r adeiladau o'r car cyn penderfynu symud ymlaen a chwilio am ein lle aros yn hastings - parc gwersylla o ryw fath y tro hwn - ond roedd gennym cabin gyda lle i barcio o'i flaen oedd yn gyfleus iawn.
Gan ein bod yn ardal y gwinllanoedd, roedd Lois yn mynnu bod yn rhaid i ni ymweld a rhai o'r cwmniau sy'n cynhyrchu rhai o winoedd gorau'r byd. Fe aethom draw am ardal Havelock North, cael cinio sydyn yno a mynd i weld Stad Te Mata ( www.temata.co.nz) a Stad Black Barn ( www.blackbarn.com) .. fe geson ni flasu rhywfaint o'r gwahanol winoedd fyd.. ond dim gormod yn anffodus i Lois gan ei bod yn gorfod gyrru!!.. Ac roedd yn rhaid iddi yrru'n ddiogel fyd achos y lle nesaf aethon ni oedd i dop mynydd Te Mata oedd yn uchel ofnadwy, yn droellog ofnadwy gyda dim barriers ar hyd ochr y ffordd! Mi fyddai'r olygfa ar y top wedi bod yn werthchweil petaen ni ond wedi gallu gweld!!! Roedd hi dal yn gymylog yn anffodus!! Nol i'r parc, darllen a chael swper a noson dawel!
M x
